Første fotograf i Hol var Torbjørn Arneson Trageton, fødd på nordre Trageton (Trøgaton) i Kvisla i 1840. Han tok lærarutdanning i Asker, og kom truleg i kontakt med fotografiyrket der.

Han kom seinare attende til Hallingdal og Hemsedal der han var lærar frå 1865 til 1874. I 1874 kom han attende til farsgarden i Kvisla og frå då av og fram til 1892 var han lærar i Kvisla og Lien. Samlinga etter Torbjørn A. Trageton inneheldt ca 670 fotografi frå midten av 1860 åra fram til sin død i 1893. Han var tidleg ute som fotograf i landssamanheng og var heilt klart ein pioner innan fotoyrket i Hallingdal.